"人地話" - 大家真係唔好再咁估啦 ....

頭先睇中醫，有個年輕媽媽走入嚟執藥，醫師聽到佢藥中有腰果就問 "仲乜咁補呀"，媽媽就話佢啲細路哮喘，身體差，人地話呢劑藥好。醫師就好直接咁答"小朋友身體唔好呢，通常都係父母做成既，你地平時點樣亂咁俾野佢地食呀? 仲有, 醫哮喘係用核桃，唔係腰果。"

我 Keep 住睇中醫調理身體都有三個月, 幾乎一個星期睇兩至三次，我睇既醫師一向口碑都唔錯 (因為香港太多差勁 / 混水模魚 既中醫師)，而佢講野又好鬼直接同串，所以成日聽唔少佢話啲亂咁食中成藥既人，幾貴既藥都買，但又唔肯花幾十蚊去睇睇中醫, 問吓食唔食得。好似 補品 同 涼茶, 甚至 連 白鳯丸 / 珍珠未 / 牛黃解毒片 / 靈芝孢子 .... 其實真係唔係個個食得，好似我咁，原來我而家體質係唔可以進補，如果我食補品，身體反而係會仲差 



如果大家真係要食任何中藥 / 中成藥 的話，請先花三四十蚊請教中醫師，都唔好信 "人地話" (包括廣告 及 祖傳 / 老人家講), 因為只有師醫先診治先知道服食者既 "體質 及 需要", 尤其無辜既小朋友，真係唔好亂嚟 ....



我除左成日同醫師吹水外，幸好身邊有幾位高人幫手，而且自己又勁睇中醫及養生書，所以都吸收左唔少 正確知識。 



我都知以上既話一出，我又會令唔少人討厭。不過，我以前都係過來人，都係亂食成藥, 都係 "人地話" 既 fans ... 所以，我真係唔想大家好似我咁 ....
 

強烈介紹呢本書俾大家睇 "人體使用手册"，呢本書好簡單及科學化咁正確地解釋一向俾大家感覺 "好玄" 既中醫學，一啲都唔會悶，我一睇就收唔到科 .... 最好就係網上版係作者免費供大家傳閱嫁 ....

http://hk.myblog.yahoo.com/au_christine/article?mid=2879&prev=3466&next=3432

有 iphone 既朋友，好讀電子書既 apps 都有呢本書download (係隨身智囊) http://www.haodoo.net/?M=hd&P=wisdom

就算係電腦睇都方便嫁 http://www.haodoo.net/?M=m&P=J090411%3A0