為左令個腦無空位諗野，近呢兩星期開始左聽收音機既習慣，先由中段先開始聽既 “晨光第一線” 到最愛既 “瘋Show 快活人”, 然後中間夾雜啲 Radio 4 … 到夜晚12點既 “有冇搞錯”，令我不時笑到肚痛之餘，都不知不覺被塞左好多份報紙落袋，可以話係”知識性潛移默化” …
由梁榮忠及另外4位年輕 DJ 主持既 “有冇攪錯”，令我對呢位 “前世界賤男”刮目相看。事緣上年八月節目中收到一位會考生既電話，講述佢對會考放鎊既恐懼，被受感動既主持人就答應那會考生 “要驚就一起驚，要考就一起考”! 而佢地都身體力行，齊齊參與今年既`末代會考。縱使有唔少人都批評佢地博出位博宣傳，我都會照撐佢地，因為透過佢地係節目既討論同分享，都會感受到佢地對考會考呢個大project 做足功課，絶對唔係玩玩吓。雖然我唔係末代會考生，針唔拮到肉唔知痛，但我俾佢地帶出既”正面能量”所感動。
祝各位不論考會考，考琴既莘莘學子考試成功 !!!!
沒有留言:
發佈留言